BrainStorm

يريد الله أن يخفف عنكم و خلق الإنسان ضعيفا

4- كن أنت التغيير الذي تحب أن تراه في العالم

السلام عليكم و رحمة الله وبركاته

“You must be the change you wish to see in the world.”

Mohandas Gandhi

كن أنت التغيير الذي تحب أن تراه في العالم

أنت الجماعة و إن كنت وحدك


الكثير من الناس يتحدث عن ان المسلمين لا يهتمون بطلب العلم و أن اوضاعهم

سيئة و تتجه للأسوأ و أنهم  و أنهم..

في رأيي هذا ببساطة اننا صرنا كثرة كغثاء السيل , و صرنا نعول كل شيء على تخلف أمتنا و ننفي هذا عن الاسلام نفسه بدليل عصور التقدم الإسلامية و علماء المسلمين الأفذاذ الذين أبهروا العالم…

طبعا كلام جميل و مكرر و تقرأه كل يوم في كتب القراءة من الصف الاول الابتدائي تقريبا ..

حسن استعد لهذا فأنا أحمل لك خبرا جديدا ..لقد توصلت لسبب تدهور حال المسلمين

إنه أنت يا عزيزي!

أيوة أنت يا بني ما تبصش وراك!

أنت..و أنا ..و جميع الذين يدخلون هذه الحياة ثم يغادرونها دون أثر يذكر ..كيف تتحمل هذا بالله عليك؟ أن تكون شخصا اخر ممن يملأون الشوارع و المقاهي …

أن يذكرك الناس بعد رحيلك فقط بأنك كنت

” راجل طيب و طول عمره في حاله..الله يرحمه”

سبحان الله هل نحن أقل من اديسون أو دافنشي أو غيره..لماذا نضع ديننا في حرج أن يتهمه الغرب اننه سبب تخلفنا؟ ما الذي ينقصني أنا أو أنت؟

اسف لكنني لن أقبل أن أكون عبئا اخر أو رقما اخر يضاف للمليار ومسلم

أو كما يقولون (مجرد لبنة أخرى في الجدار

)

أمتنا بحاجة اكثر من حتى مجرد العمل..إنها تحتاج لعمل أكثر..لتضحية و عطاء..إن لم يكن انت ولا أنا فمن ؟..

أنا لا أقدم دروسا في التنمية البشرية و لا أحب كثرة الكلام عن طاقات الإنسان (اللامحدودة) ثم يتراكم الالاف من شباب الجامعات بانتظار شهادة من المدرب و المحاضر العالمي تفيد بأنه أصبح الان يفقه الكثير في ال

HR – PR..

ثم يبقى حال الأمة على ما هو عليه

..

كثير من الكلام ..قليل من العمل

***

اممم..حتى هذا الكلام مكرر؟ امم..تصدق أنا كمان حاسس أني قريته قبل كدة..امم..طيب ..كونه مكررا يا اخي لا ينفي كونه صحيحا..حتى من باب و ذكر فإن الذكرى تنفع المؤمنين..

لينا لقاءات أخرى بهذا الخصوص إن شاء الله..فلا تنس….

Advertisements

3 responses to “4- كن أنت التغيير الذي تحب أن تراه في العالم

  1. Dr.M.ReDa October 20, 2010 at 6:37 am

    كنت لسه بتناقش مع حد في نفس النقطة دي

    الفكرة يا محمد مش في أنو الواحد قاعد مبيعملش اللي عليه

    لكن هل الواحد بيحب اللي بيعمله عشان يدي فيه أقصى ما عنده

    مش هقولك نستنى عوائد مادية ولا كلام من ده

    لكن الشغف

    الطاقة بتاعت الإنسان اللي طالعة من جواه دي هتوصله لإيه

    لو كل واحد حب اللي بيعمله

    ورضي بيه الدنيا هتختلف تماما

    لكن كل الناس تعبانة من الوضع اللي هي فيه

    وأنا واحد من الناس دي

    مقدرش أنكر كده

    لكن كل ما تحاول أنك تجدد أو تشعل الشغف ده تاني

    بيواجهك عقبات أكتر

    برضو مش معنى كده أنو نستسلم

    ومش هقولك زي كل الناس ما بتقول انو الظروف اللي اتحطينا فيها هي اللي عملت فينا كده

    لو الواحد عاوز يعمل حاجة هيعملها

    لو عاوز تبدع في شئ هتبدع فيه

    بس ده ميمنعش أنو إحنا بني آدمين

    ولطاقتنا في التحمل حدود

    عشان كده ممكن تلاقي ناس كتير

    بسم الله ما شاء الله عليهم

    متميزين ومتفوقين علميا وعمليا

    لكن المحصلة النهائية

    لا شئ

    مهما يكون الكلام إتقال قبل كده

    ومهما نكون سمعناه

    صدقني ساعات كتير أوي محتاجين نسمعه تاني وتالت ورابع

    لمجرد أنو نعرف أا في ناس لسه صاحية ومنامتش مع الباقيين

    كالعادة يا محمد متميز بأسلوبك الراقي

    ربنا يكرمك يا باشا

  2. ref3atov October 20, 2010 at 7:40 am

    معاك جدا في النقطة دي
    أنا اغفلت الكلام عن الظروف المحيطة متعمد لأنه مش عايز أننا نتكل عليها كشماعة كتير

    لأنه بالمنظر دا عمرنا ما هنعمل حاجة ختى لو بينحبها..أيوة حتى لو كنت بتحب الطب مثلا و لقيت مرتب دكتور الامتياز أقل من مصروفه مثلا و أصحابك بيشتغلوا بالالاف برة..هتكره الطب

    نفسي نعزل ديه عن ديه عشان ما نكرهش الوضع اللي احنا فيه

    الله يكرمك يا رضا أنت عندك بلوج انت كمان؟ فين؟

  3. drmreda October 20, 2010 at 7:53 am

    فعلا يا محمد

    هي الظروف المحيطة ليها عامل أساسي جدا جدا

    لكن مشكلتنا انو احنا بنتكل عليها زيادة عن اللزوم أوي

    يعني الشماعه تقلت جدا

    أكتر من اللازم

    كل حاجة غلط في حياتنا بقت معلقة على شماعة الظروف

    للأسف فكرة العزل والفصل دي تقريبا مش موجودة عندنا

    كل شئ مرتبط ببعضه أكتر من الإرتباط الطبيعي

    كل حاجة بقت متضخمة فوق حجمها

    الفرحة والحزن والإكتئاب والضحكة على حد سواء

    كل حاجة بقت أضعاف متاضعفة

    وكله مرتبط ببعضه أوي

    ______

    لا أنا كنت بتكلم مع حد شخصيا

    أنا معنديش بلوج حتى الآن

    هو كنت عملت واحد كده وفشل لأنو مكنش ليه هدف محدد

    بفكر أعمل واحد تاني

    لكن عاوز أشوفله هدف معين

    وعاوزه يكون مختلف عن أي بلوج تاني

    فمحتاجله تخطيط شوية

    إن شاء الله قريبا ممكن يكون في واحد

    بس مش قريبا أوي

    ربنا يسهل

    أول ما هعمله هقولك عليه أكــــيـــــد

    ربنا يكرمك ويوفقك يا رفعت بجد البلوج بتاعك أكثر من رائع

    وبيعجبني أنك بتثير النقط اللي فعلا محتاجة أنها تثار في حياتنا

    ربنا يوفقك يا صديقي

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: