BrainStorm

يريد الله أن يخفف عنكم و خلق الإنسان ضعيفا

8- و إن كنت وحدك

السلام عليكم و رحمة الله وبركاته

“لا تكونوا إمعة تقولون إن أحسن الناس أحسنا وإن ظلموا ظلمنا ولكن وطنوا أنفسكم إن أحسن الناس أن تحسنوا “
وإن أساؤوا فلا تظلموا

؟؟
تقصد إيش؟

حينما تذهب لشراء ملابس جديدة تأخذ معك صاحبك و تستشيره ..
و لو اشتريته و لم يعجب الناس و لو أعجبك أنت فإنك ترميه في خزانة الملابس ولا تعود لارتدائه مرة أخرى..

كلنا نعمل ألف حساب لما يقوله الناس على حساب ما نريده نحن
ببساطة لأننا كلنا نريد أن نندمج و ان نكون مقبولين وسط مجتمعنا , على الأخص حينما تقضي زمنا و الناس تحبك و قد اعتادوا على رؤيتك تمزح و تدخن و تلعب..لو تغيرت الان ماذا سيقولون؟ أبي و أمي و اخوتي يحبونني هكذا؟ ماذا سيكون رأيهم؟ ماذا لو تحجبت؟ هل سأصير قبيحة؟ طب لو اسبانش؟

طيب هذه قصة بسيطة أذكرها قديما من كتاب الفلسفة
أن بعض اللصوص ، أرادوا سرقة ماعز لرجل قد اشتراها للتو من سوق القرية
وفى طريقه إلى بيته ،
وقف اللص الأول فى بداية الطريق ، وقال له : كيف تكون رجلاً كبيراً وعاقلاً وتمسك بيدك قرد ؟!
فقال الرجل : أنها ماعز !
وفى منتصف الطريق ،
تقدم إليه اللص الثانى ، وهو يدق على طبلة ، ويقول : ألعب يا قرد أرقص يا قرد
ثم قال للرجل : قردك جميل !
وفى نهاية الطريق ، تقدم إليه اللص الثالث ، وقال له : بكم تبيع هذا القرد ؟
فاذا بالرجل يترك معزته ، ويهرب !

يعني حتى لم يصدق عينيه و صدق الناس فاستهواه الناس
فصدقهم و كذب نفسه
و طبعا هذا إن دل فإنما يدل على ضعف الثقة بالنفس و ضعف الشخصية

يا أخي كنت روحت بيها و حطيت قدامها  برسيم لو أكلت البرسيم يبقى معزة

المهم

طيب نعود لموضوعنا
الكثير يريد الالتزام و التدين لكنه يخاف من نظرة الناس إليه

كيف تغير؟
عمو و طانط و خالتو هيقولوا عليا إيه؟
“إيه دا ؟ حمادة! أنت ما بتحلقشي دقنك ليه؟”
“أنت نازل رايح فين يا حمادة؟ تصلي ؟”
و لا أصحابك
“حمادة” ثم ينفث دخان السجائر و يضيق عينيه” انت اتغيرت أوي يا حمادة!”

نعم أعترف ان هذه الامور قد تبدو صعبة قليلا..لكنهم يبعتاد
ونت هذا الأمر خاصة لو تغيرت طباعك للأفضل..نعم..بالعكس رأيت ناسا كثيرين بعد اسلامهم جذبوا أقاربهم – الذين كانوا معترضين في باديء الأمر -للاسلام بحسن الخلق وحده

و تكون بهذا قد نلت ثواب و شرف هداية من حولك

و أحب أن أخبرك
ألا تجعل الله أهون الناظرين إليك..
فإن كنت تظن أن ربك لا يغضب منك مثلهم فانت مخطيء
نعم..الله يسمعك و يراك و يعلم ما في نفسك..و هو أحق بأن ترضيه

و الإنسان إذا أحبه الله نادى في السماء الى اهلها أن أحبوا فلانا فإني أحبه حتى ينادي اهل السماء اهل
الأرض على أن الله أحب فلانا فأحبوه حتى يحبونه

يعني غصبا عنهم هيحبوك إن شاء الله

و أخيرا أحب أن أهمس لك

أنت الجماعة -جماعة هنا يعني ناس كتير ملهاش علاقة لا بأحزاب و لا حاجة الله يكرمكم- و إن كنت وحدك

و إن كنت وحدك

يعني أنت قائد و قائد نفسك

لا يوجد شخصية قيادية و غير قيادية

القادة يصنعون لا يولدون

و لا تقوللي أصلي مش برج الأسد ولا العك دا..أنت من تصنع مستقبلك بإذن الله

سأتركك لتفكر قليلا في الموضوع ثم نعود مرة أخرى إن شاء الله

السلام عليكم

Advertisements

3 responses to “8- و إن كنت وحدك

  1. Dr.M.ReDa October 23, 2010 at 7:53 pm

    صديقي العزيز

    أبدعت هذه المرة فوق الوصف

    بعض الأشخاص يبحث عن التوازن في حياته فلا يجد ما يعينه عليه

    وهو يعلم أشد العلم أن دينه هو ما سيعينه على إستعادة ذلك التوازن لحياته

    حتى وإن كان وحيدا فهو كل وجميع

    كلمة حلوة أوي

    أما بالنسبة لحكاية القادة يصنعون أنفسهم

    فأنا لا أختلف معاك

    لكن هناك شخصيات بطبعها غير قيادية

    فمينفعش نحتم عليعم القيادة

    لكن الإنسان لو عاوز يعمل حاجة أو يحول نفسه ويغيرها هيقدر

    حتى لو واجهته صعوبات

    خليني أشبه الصعوبات دي كأنها شرنقة للإنسان

    الشرنقة دي لو قدرت تصمد فيها

    هتتحول لفراشة

    وشئ جميل جدا جدا

    ربنا يكرمك يا محمد

    إستمر يا صديقي

  2. ref3atov October 24, 2010 at 7:35 am

    ربنا يكرمك يا رضا
    فعلا الشدائد تصنع شخصيات مختلفة
    و بالنسبة لموضوع القادة كنت قرات مرة ان القيادة لها أوجه كثيرة منها أنك تسيطر على شخصيتك أو أنك تقود أهلك لو انت أب و رب أسرة
    يعني مش بس المفهوم الواسع كالادارة و خلافه

    و بص يا سيدي

    لا أنت ما تعملشي بوج

    انت تعمل موقع على
    domain
    كويس
    و تحط فيه ال
    showreel
    بتاعك
    و تقعد و تستنى مكالمات الشغل إن شاء الله
    لا بجد دوس في موضوع الثري دي و خصوصا الحاجات الطبية كدة هتخش في مجال وهمي و مطلوب إن شاء الله و ما لكش فيه مناقس عشان خبرتك الطبية

    ربنا يكرمك يا باشا و ياريت متكونشي بتعطل نفسك

  3. Dr.M.ReDa October 24, 2010 at 7:57 am

    أنا مكنتش أقصد مفهوم الإدارة بشكل مخصص

    لكن في شخصيات فعلا إمعة

    حتى محاولته لتغيير نفسه بيحبطها من قبل أن تولد أصلا

    يعني هو نفسه مش عاوز حتى يحاول يكون قائد على نفسه

    هذه النوعية من الأشخاص لا تستحق أنو تكون قادة بأي حال من الأحوال

    ولا حتى على نفسه

    لانه في النهاية هيدمر نفسه بنفسه

    وهنا يأتي الدين

    هل تعتقد أنو الشخص ده ممكن فعلا يتغير

    لو عنده إستعداد أنا معاك أنو هيتغير

    بس لو معندوش

    هيبقى مجرد لا شئ ومش هيجدد أي حاجة

    دي نوعية الناس اللي كنت أقصدها

    إن الله يهدي من يشاء

    بس فين عقل الأشخاص دي

    هل هم مغيبين ولا في عالم تاني

    فهمت قصدي؟

    أما بقى بخصوص البلوج

    فهو فعلا ممكن ميشوفش النور أو حتى مؤقتا

    لأنو فعلا مالوش أي فكرة محورية في دماغي

    بالنسبة لموضوع الثري دي

    أنا مش محترف أوي يا محمد لدرجة إني أقعد في البيت وأستنى الشغل

    ربنا يكرمك بجد أنت بترفع من معنوياتي أوي

    الموقع في دماغي فعلا لكني مش هعمله على الأقل الفترة دي

    لازم أحسن من نفسي شوية

    إن شاء الله

    وأعمل

    Show reel

    يستاهل أحطه على موقع ب

    domain

    ليه لوحده

    يعني الشغل اللي أنا عملته هدفه مكنش أي حاجة غير

    انو الناس تستفيد بيه

    والحمد لله قدرت أوصل للنقطة دي

    ده فضل كبير أوي من عند ربنا

    فمدققتش في حاجات كتير

    زي الرندر وإني أعمل أنيماشن

    يعني أغلب الفيديوهات أنا كنت بسجل من جوه البرامج نفسها

    فإن شاء الله الواحد بس يفوق من السنة دي على خير

    وربنا يسهلها

    أحاول أحسن من نفسي أكتر وأكتر

    وأعمل شغل لعل وعسى

    ساعتها يكون مناسب أنو يتعرض

    وإن شاء الله هحاول فعلا أشوف حكاية الأنيماشن الطبية

    اهو الواحد يستفاد بدراسته في الكلية دي بحاجة

    =)

    هو الواحد بيحاول يقاوم الجهاز فعلا

    لكن منظر البرامج مغري

    وهي عمالة بتنادي عليا

    تعالى إشتغل عليناااااااااااا

    تعالى إشتغل عليناااااااااااا

    بس ربنا يسترها إن شاء الله

    ربنا يكرمك يا محمد

    وإستمر يا صاحبي

    عندك واحد هنا متابعك بجد

    وبستنى تدويناتك

    وأشوفك في التدوينة القادمة على كل خير يا صديقي

    إن شاء الرحمن

    =)

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: